Vielen Dank lieber Michael!
Dr Bürgermoischter
Dr Michl isch a Ehrama, tuat für sei Gmoi, was er bloß ka, au mit seim Gmoisrat ka ers macha - isch eahm au manchmol it zum Lacha: A paar sind scho drbei, so Koga, dia hot ma scheints als Kind schlecht zoga.
Für jedermann a offas Ohr, er schtellt koin zruck und ziaht koin vor. Dao hilft koi Lächla und koi Schmiera, koi Goscha und koi Lamentiera. Er kennt koin Freind und au koin Vetter, koi bessers und koi minders Wetter.
Bei dr Landrätin hot er a Nummer, do geits koin Zora und koin Kummer. Dia Leit dia mögat’n allsamt Beim großa, gscheita Landratsamt. Ma schätzt’n au und muaß’n loba In Mencha, im Bezirk do doba.
Dia Gmoi ka richtig zfrieda sei - doch leider muaß jetzt gschieda sei! A so an Ma, den muaß ma loba! – Doch schad, des Fescht hot ma verschoba!!! Des isch halt so, do hilft koi Klaga. Doch Dankschea muaß ma heit scho saga!
(frei nach Artur Jall)